Kóždy młody muž wot 18 lět je winowaty, němskemu statej 9 měsacow słužić. Pak jako wojak, pak jako tak mjenowany "ciwi". Staj-li hižo 2 bratraj słužiłoj abo njeje-li wukonjenje słužby ćělnje móžne, sy wot słužby wuswobodźeny.

W zakładnym zakonju ZRN je (w artiklu 4, wotrězk 3) zakótwjene, zo njesmě so nichtó k słužbje "z brónju" nućić.
W Němskej Demokratiskej Republice (NDR) dyrbješe kóždy k wojakam.

Po politiskim přewróće je kóždemu móžne wo wuswobodźenje wot wojerskeje słužby z brónju prosyć.

Ciwilnu słužbu móžeš na přikład w chorowni, starowni abo tež na gmejnje wotsłužić. Dokelž su nadawki jara rozdźělne, sćelu so młodźi mužojo do "ciwijoweho lěhwa" k dalekubłanju.

Zakładna mzda (Sold) a čas słužby je za ciwija a wojaka mjeztym samsny. A tež ličba zapowědźerjow wojerskeje słužby stajne stupa a wotpowěduje mjeztym někak ličbje wojakow.

horje