Eukalyptowc je štom, kiž rosćeše prěnjotnje jenož w Awstralskej, hdźež ma wjace hač 600 družinow. Někotre eukalyptowcy su wulke kaž kerki, druhe wyše hač 100 metrow.

Wulki dźěl lěsow w Awstralskej su eukalyptowcowe lěsy.

Jeho łopjena su stajnjezelene a wisaja husto padorunje dele. W nich chowa so sylnje wonjaty eteriski eukalyptowy wolij, kiž wužiwa so tež pola nas k hojenju.

W Awstralskej dóńdźe husto k lěsnym wohenjam, štož pak eukalyptowcej docyła nješkodźi. Cyle nawopak, někotry družiny trjebaja prawidłowne wohenje, zo bychu so rozmnožili.

Koala žiwi so z łopjenow eukalyptowca. Dźensa sadźa so wón tež w druhich kónčinach swěta.

horje

hlej tež: