Wuraz

Słowo gotika wotwodźuje so wot ital. "gotico" (barbariske, cuze), pomjenowanja germaniskeho kmjena Gotow. Italski wuměłski teoretikar Giorgio Vasari zawjedźe hanjacy wuraz w dobje renesansy.

Stil

Gotiski stil nasta w Francoskej hižo w lěće 1140 a traješe sewjernje Alpow hač do někak 1500.

Typiske za gotiku su wysoke, ćeńše murje z wulkimi woknami.

Porno masiwnym twaram w romanice twarjachu so nětko wysoke a ćeńše murje z mnoho wulkimi woknami. To běše móžne, dokelž rozdźěli so ćeža twara na mnohe stołpy, kiž murje wotćežichu.
Charakteristiske su wokna z kónčkojtym wobłukom kaž tež rozetowe wokna z ornamentami, kotrež husto nad hłownym zachodom wuhladaš. Twarjachu pak so tež radnicy a bydlenske domy w gotiskim stilu.

Ćeža kamjenjow rozdźěli so w gotice na wjacore stołpy, štož zmóžni wyše twary.

Twarske přikłady su:

radnica w Lübecku
cyrkej swj. Marje w Pirnje
wulka cyrkej we Verdenje
bazilika swj. Antoniusa w Paduwje

horje

hlej tež:

romanika