Bjez kakawa njebychmy žanu šokoladu měli. A to by zawěrno škoda było!

Hdźe rosće kakaw?

Kakawowe płody rostu na kakawowcach, to su stajnozelene štomy, kiž rostu w Africe, srjedźnej a južnej Americe a w Aziji.

Kakawowe płody su někak 20 centimetrow wulke a maja podobu melony.

Domizna kakawowca pak je Mexiko. Tehdy tam žiwi wojerjo Actekow a Maya pijachu rady napoj z kakawowych bunow, kiž mjenowachu "Xocolatl". Wot tutoho wuraza pochadźa naše słowo šokolada. Łaćonske mjeno za kakawowc "theobroma" woznamjenja "boža cyroba". To móžu cyle derje zrozumić, wšako bu kakaw w Europje hakle přez dobywarjow w 16. lětstotku znaty a bě něšto cyle wosebite. Horca šokolada jako napoj bu w lěće 1720 wunamakana.

Kak nastawa kakaw

Kakawowe płody su někak 20 centimetrow wulke a maja podobu melony. W kóždej z nich je něhdźe 60 symjenjow - kakawowych bunow.

Kakawowe buny předźěłaja so na kakaw.

Předźěłanje tutych bunow je jara napinace. Najprjedy žněja so płody z wosebitym nožom, wukisaja někotre dny w sudach (gären), myja so, suša so a praža so. Z wulkim ćišćom wutłóči so z rozkuskowanych bunow tuk (kakawowa butra). Potom rozmlěja so buny na kakaw. Při tutym procesu bywaja buny brune a wuwija swój kakawowy aroma.
Kakaw předźěła so potom na kakawowy napoj, wužiwa so k pječenju a wězo - cyle wažne - k zhotowjenju šokolody. Mjeztym předawa so samo šokolada ze 96% kakawa. Dyrbju pak přidać, zo je chětro hórka.

horje

hlej tež: