Spać, spać, spać - štó móhł to lěpje hač srjedźnoameriski lěniwc. 80 procentow swojeho časa spi wón na tropiskim štomje wisajo. Wjetši dźěl žiwjenja přebywa wón w hałuzach, při čimž dźerži so z porstami kruće. Kaž zekřiwjene hoki wobpřimaja wone hałuzy, tak zo móže lěniwc bjez napinanja wisać. Wšitke jeho pohiby su jara pomałke, hač přepřimnje z ruku abo nohu hałuzu abo hač tyka sej łopjena abo pupki štomow do huby.

Jenož jónu wob tydźeń přińdźe lěniwc dele na zemju, zo by so wolóžił.

Lěniwcy škitaja so na swoje wašnje

Wodnjo spja lěniwcy zakulene do přićehnjeneju nohow a runaja so tak wotłamanej hałuzy - štož škita jich před jaguarami, jich přirodnymi njepřećelemi. Tež pomałe pohiby polěkuja tomu, zo jich druhe zwěrjata scyła njepytnu. Přidatny škit skića cyanobakterije, kiž su so w jich kožuchu zasydlili a kiž dawaja jemu zeleńkojtu barbu.

Cynobakterije dawaja kožuchej lěniwca zelenkojtu barbu, štož škita jeho horjeka na štomje hišće lěpje před njepřećelemi.

Rozmnoženje

Žónki lěniwca porodźa wob lěto jedne młodźo, kiž potom na nimi wisaja (što hewak). Lěniwcy móža wotwisnje wot družiny 12 do 30 lět stare być.

horje

hlej tež: