Leonardo da Vinci narodźi so 15. apryla 1452 w Anchiano blisko wsy Vinci.

Uniwersalny ženij da Vinci zaběraše so z architekturu, přirodowědu, wuměłstwom a tež z ciwilnej a wojerskej techniku. Konstruowaše mosty, twarjenja a jězdźidła a wuwiwaše lětanski nastroj. Swětoznatej stej tež jeho mólbje "Poslednja wječer" (1495~1497) a "Mona Lisa", kotruž stwori spočatk 16. lětstotka.

Jeho ilustraciju "vitruviski čłowjek" namakaće na italskim euru.

Wěste konstrukcije natwarichu so po jeho skicach, kaž na přikład awtodrohowy móst pola Oslowa abo "Leonardowy móst" we Freibergu.

2. meje 1519 zemrě da Vinci a bu w klóštrje pola St. Florentina pochowany.
Jeho pućrubarske wunamakanki přiwzachu so zdźěla hakle 400 lět pozdźišo.

horje

hlej tež: