Zawěsće znaje kóždy z was lisćowu piłku, drišć (Kreissäge) abo lišću wopuš z dźěłarnje nana abo dźěda.

Přetož wužiwamy piłu za mnohe dźěła. Na přikład za skrótšenje štomowych hałužkow, wurězanje motiwow, za přirězanje drjewowych deskow, ale tež metalowych žerdźow (metalowa piła). Jednora piła wobsteji z přimka a z brjendy (Sägeblatt), kotraž je z metala.
Za rězanje z piłu trjebaš wjele mocow w rukomaj. Móžeš sam abo z někim hromadźe (kaž pola dwu-mužoweje piły) rězać.

Piła njeje hrajka

Pola drišća abo motorskeje piły, kotrejž dźěłatej z pomocu miliny abo bencina, je na městnje jednoreho přimka wobtwark. Tutón schowa elektroniku a škita nas při dźěle. Runje tak wažne su škitne drasty kaž fala, krute črije, škitne nawoči a škitne rukajcy.

Při dźěle z motorskej piłu je škitna drasta jara wažna.

Jeli dźěłaće z lisćowej piłku, je tež maska radźomna, dokelž nastawa při rězanju nimo rěza tež strašny drobnopróšk.

horje

hlej tež: