Piranja je družina rybow, kotraž je we Łaćonskej Americe, a to w rěkach Amaconas, Paraguay a Guayana žiwa. Słowo "piranja" pochadźa z indianskeju rěčow a woznamjenja "wótre zuby".

Wjetšina piranjow słuša k mjasožračkam, druhe pak žeru trawu. Wone su 15 do 25 cm dołhe. Piranja je zwjetša šěra, někotre družiny maja čerwjeny brjuch.

Ćěło piranjow je blakate. Jich zuby hodźa so tak derje hromadźe, zo móža mjaso lochce wotkusnyć.

Piranja njeje za ludźi přejara strašna. Jenož w suchich časach, hdyž je w rěkach mjenje wody, stupa koncentracija piranjow we wodźe a z tym jich agresiwnosć. Rubježne piranje su swojich zubow dla strašne. Domoródne ludy we Łaćonskej Americe wužiwaja jich zuby jako graty a brónje.

horje

hlej tež: