|
|
|
Praha - stolica Čěskeje republiki
Praha je hłowne a najwjetše město Čěskeje republiki. Nimo toho liči wona tež k najstaršim kulturnym městam Europy.
Praha leži nad rěku Vltava. W njej bydli wjace hač milion wobydlerjow. Praha je ze štyrjoch měšćanskich dźělow nastała: Z Hradčanow, ze Stareho města, z Małeje strony a z Noweho města.
|
|
W Praze wjedu mnohe mosty přez rěku Vltavu, najznaćiši je "Karlowy móst".
|
Wuběrk stawizniskich hesłow
- Mjeno Praha pochadźa wot słowa "práh"- štož woznamjenja chěžiny próh abo rěčny próh (Stromschnelle).
- Praha bu w srjedźowěku załožena a bě wot spočatka sem sydło čěskich kralow.
- Najwjetši rozkćěw dožiwi Praha w 14. lětstotku pod kralom Korlu IV, kiž bě tež němski kejžor a załoži w lěće 1348 Karlowu uniwersitu (najstarša uniwersita srjedźneje Europy).
- Wot lěta 1918 bě Praha hłowne město Čěskosłowakskeje (1918-1992).
- W nalěću 1968 dožiwichu tam "Praske nalěćo" namócne zakónčenje doby politiskeho liberalizma w Čěskosłowakskej z ruskimi pancerami.
- W nazymje 1989 započnje so w Praze "měrniwa rewolucija", kotraž wjedźe k zwrěšćenju komunistiskeho systema.
- Wot 1993 je Praha hłowne město Čěskeje republiki.
|
|
Pohlad na hród Hradčany z cyrkwju swj. Wita - něhdy sydło kralow, dźensa sydło knježerstwa.
|
Tole dyrbiće na kóždy pad widźeć:
- Hradčany - sydło wjerchow, kralow, biskopow, dźensa je tam sydło knježerstwa - z hrodom a gotiskej katedralu swjateho Wita
- Złota haska - tu steji chěža, w kotrež bydleše znaty spisowaćel Franz Kafka
- Karlowy móst - najstarši kamjentny móst swěta z mnohimi poskitkami za turistow
- Mała strona - tu bydlachu po jeje załoženju němscy rjemjeslnicy
- Slawin - pohrjebnišćo na Vyšehradźe, hdźež su rowy wuznamnych Čechow
- Petřín a Rozhledna - wjacore zahrody a parki z wuhladnej wěžu
- Stadion Strahov - najwjetši stadion swěta
- Józefowe město - zawrjeny židowska bydlenska štwórć z radnicu, židowskim pohrjebnišćom a synagogami
- Tınskı Chrám (Tınowa cyrkej), tuta cyrkej běše tehdy srjedźišćo husitizma
- piwnicy - na př. "U Fleku", "U Kocoura" abo "U sv. Tomaše", zo byšće so gulaša z knedličkami najědli a raz prawu hospodowu atmosferu dožiwili
|
|
Židowski kěrchow w městodźělu "Józefowe město" blisko centruma.
|
Praha pak je hišće wjele wjace:
Nimo Karloweje uniwerzity su w Praze tež znate FAMU (Filmowa a telewizijna akademija hudźbneho wumělstwa) a JAMU (Janačkowa akademija hudźbneho wumělstwa).
Praha ma jara bohaty kulturny poskitk: w Praze eksistuje wjele jewišćow, dźiwadłow (Narodni divadlo), muzejow (na přikład: muzej A. Muchy, F. Kafki, A. Dvořaka, B. Smetany), kinow, galerijow a tež Praska opera.
|
|
Wočerstwjenišćo "Rozhledna" z krasnymi parkami a zahrodami.
|
Praha a Serbja
Wo tym móhło so wjele rjec. Najwažniše drje je, zo buchu serbscy katolscy měšnicy kaž Jakub Bart-Ćišinski w Praze wukubłani, zo wobsteješe za nich prawy "Serbski seminar" na Małej stronje.
horje
|
|
hlej tež:
|
