Samojo su domoródny lud w sewjernym dźělu Skandinawiskeje połkupy. Dźensa je jich někak 85.000. Samojo su žiwi w štyrjoch statach: w Šwedskej, Norwegskej, Finskej a Ruskej (na połkupje Kola). Jich sydlenski rum rěka Sapmi. Husto mjenuja so Samojo tež Lappojo, štož pak je wohańbjace pomjenowanje.

Typiska za drastu Samow je jich čerwjena čapka.

Něhdy běchu jako rybarjo a plahowarjo sobow žiwi, štož je dźensa jenož hišće zdźěla tak.

Soby su jelenje, kiž plahuja so dla jich mloka, mjasa a kožucha (tu w zwěrjencu, normalnje maja wone rohiznu).

Samojo běchu z doby ćahanja ludow potłóčowani. Dźensa maja woni w Šwedskej, Finskej a Norwegskej prawo wotuma a swójski samiski parlament. Do 18. lětstotka, jako buchu pokřesćanšćeni, mějachu swójske kulty. Samiske rěče a dialekty słušeja k fino-ugriskim rěčam.

horje

hlej tež: