Slowki słušeja k swójbje róžowych rostlinow, ke kotrejž słušeja nimo nich tež aprikozy, wišnje, brěški a mandle. Slowki su małe, juškojte a słódko-kisałe płody, zwjetša módre abo fijałkojte, ale su tež čerwjene a žołte družiny. Hižo w starowěku běchu slowki znate, mjez druhim w starej Egyptowskej a pola Etruskow; w starym Romje plahowachu samo 12 družinow slowki. Do Europy su prawdźepodobnje hižo w 20. lětstotku do našeho ličenja časa přišli.

Slowki su juškojte a słódko-kisałe płody.

Slowka w Europje

Dźensa eksistuje něhdźe 6.000 družinow slowki. Najwjace z nich žněje so w Chinskej a w Europje - na Balkanskej połkupje (předewšěm w Rumunskej a Serbiskej) a we Francoskej. Tež w Němskej plahuja so slowki - 70% z nich přińdźe z Badensko-Württembergskeje a z Porynsko-Pfalcy.

Slowka w kuchni

Móžemy slowki syre jěsć, sušene abo předźěłane na kompot a slowkowy wusmuž (šmadrunks). Syre slowki wobsahuja wjele zežiwjenskich maćiznow a su małotučne: na 100g maja jenož 45 kalorijow. Sušune slowki su dobre za žołdk a črjewa. Wobsahuja pektiny: zjěš-li někotre, njejsy hižo hłódny. Snadź spytaće raz, hdyž sće hłódni, ze sušenymi slowkami město šokolady a plackow. Nimo toho su slowki bohate na celulozu a pomhaja, w našim ćěle tuk wottwarjeć. Jara znata w słowjanskich krajach je tež sliwowica - palenc, zhotowjeny ze slowkow.

Slowki wobsahuja pektiny: zjěš-li někotre, njejsy hižo hłódny.

Slowka w symbolice

We wuchodnej Aziskej česća sej kćenja wěsteje slowkoweje družiny. Chinsce rěka wona "mei", japansce "ume" a vietnamsce "mai". W Chinskej su jeje kćenja symbol njedótknjenosće, šlachotnosće (Edelmut) a zymy, w Japanskej su symbol nalěća, a na kupje Taiwan su samo narodny symbol.

horje

hlej tež: