Wuhor je ryba, kiž wupada kaž had, to pak njeje. Jeje ćěło je cylindriske, wokoło 60 cm dołhe a 400 g ćežke. Ma tlamu połnu moličkich zubow. Woči stej małej a kulojtej.

Wuhor je jenož w rěkach žiwy. Wón zežiwja so wot mjechkušow, insektow, małych rybow a žabow.

Hdyž narostu (europske) wuhory, wopušća wone z něhdźe 4 do 15 lětami europske rěki a płuwaja hač do Sargassoweho morja w Atlantiskim oceanu. Tam rozmnožuja so wone w nalěću we hłubokosći 400-700 m, hdźež ma woda temperaturu mjez 16 a 17°C. Žónka wotpołoži něhdźe 20 milionow jejkow a potom wumrěje.

Młodźata pak wostanu žiwe. A to najprjedy jako larwy. Změnja dwójce swoju formu, doniž njedóstanu skónčnje ćěło dorosćeneho wuhora. Potom nawróća so wone do europskich rěkow, slědujo jich instinktej. Po 4 do 15 lětach su splažnje zrałe a podaja so znowa na puć do Sargassoweho morja. To je přirodny cyklus, kiž so stajnje wospjetuje.

horje

hlej tež: